Завршува вакцинирањето на вработените во критичната инфраструктура

Во арената „Борис Трајковски“ денеска завршува вакцинирањето на вработените во критичната инфраструктура. Преостанатите дози од „Спутник В“ ќе се распределат по возрасни групи. Од утре боцкањето и со „Астра Зенека“ ќе се врши во вакциналните пунктови.

Вакцина против Ковид-19 досега примиле над 26.000 граѓани. Од трендот на намалување на новодијагностицирани ќе зависи и пристапот во делот на препорака за натамошните превентивни мерки, но и во делот на планирање на болничките капацитети, велат од здравство.

Во болниците се лекуваат 1.768 позитивни или сомнителни на коронавирус, а има околу 300 празни болнички кревети. Бројот на активни случаи е близу 20.000.