Угостителите на протест за спас на секторот

Еднократна финансиска помош за угостителските објекти кои се една година под клуч поради уредбата на Владата, еднократен грант за сите во угостителскиот сектор и мораториум или грејс период за отплаќање на кредитите од деловните банки, бараат од Туристичко-угостителската комора.

Велат состојбата е алармантна, нема континуитет на економските мерки за да се задржат работните места и да опстојат. Од втоник излегуваат на протест сѐ додека целосно не им се прифатат барањата.

„Се бара помош за сите угостителски објекти, секој е подеднакво важен и не смее некој да остане без неопходна помош во овие најтешки периоди за угостителството, затоа од понеделник 20 април излегуваме заедно како сектор на протести и ќе останеме пред институциите, сѐ до моментот додека нашите барања не бидат во целост прифатени“, изјави Мартин Ангеловски, потпретседател на ТУК.