Пролетните ниски температури оштетија над половина од овошните насади

Во Брвеница од студот невообичаен за пролетниот период настрадаа дури и јаболковите насади, иако се едни од најиздржливите овошки на ниски температури. Половина од плодот од оваа парцела засадена со тетовска јаболка нема да преживее. Така e кај сите насади во ова поднебје, чии плодови се во фаза на цутење. Дали ќе се спаси останатиот дел сè зависи од појавата на доцните мразови и слана, кои се очекувани во наредните неколку дена

Во просек на секои 7 години страдаат овошките од пролетни ниски температури. Но последните неколку години климатските промени си го прават своето. Студот во овој период од година вгодина зачести, а голем дел од насадите страдаат. Има начин за нивна заштита, но за поголеми површини е потешко изводливо.

Овоштарите се соочуваат со повеќе проблеми. Поради тоа трпат големи загуби, па голем дел од нив се одлучуваат и ги корнат овошните насади.

Зоран Димовски