Продолжување на рестриктивните мерки за уште една недела

Комисијата за заштита од заразни болести донесе препорака за продолжување на рестриктивните мерки за уште една недела. Оваа препорака ја разгледал и Кризниот штаб. Ќе биде проследена до Владата на усвојување. Тоа значи полицискиот час да продолжи во истиот интервал од 20 до 5 часот наутро. Угостителите да продаваат храна само преку пултови, а преку шалтери да работат и обложувалниците. 

Актуелните мерки кои беа донесени на 7 април предвидоа целосно затворање на фитнес центрите, спортските сали како и забрана за оддржување на семинари, обуки и конференции. Останува да важи и забраната за групирање на повеќе од четири лица.

Ако овие мерки дадат резултати и бројот на заболени и хоспитализирани се намали, од Главниот кризен штаб највија можност за намалување на рестрикциите по 27 април. Полицискиот час да се скрати и да почне во 21, наместо во 20 часот, угостителите да примаат гости исклучиво на терасите и во градините, а спортските тренинзи наместо во затворена фитнес сала да се организираат на отворено.

Комисијата за заштита од заразни болести идната недела повторно ќе ја разгледува епидемиолошката состојба и ќе донесе нови препораки кои што ќе важат и за претстојните велигденски и првомајски празници.