Активни 18.469 случаи со Ковид-19, апел за исклучителна внимателност
Министерот за здравство оцени дека рестриктивните мерки кои се на сила, даваат резултати, но иако е намален бројот на позитивни случаи, нагласи дека периодов мора да бидеме исклучително внимателни...
Според последните информации од Министерството за здравство, активни се 18.469 случаи на заразени со Ковид-19. Министерот за здравство оцени дека рестриктивните мерки кои се на сила, даваат резултати, но иако е намален бројот на позитивни случаи, нагласи дека периодов мора да бидеме исклучително внимателни.
Бројот на хоспитализации во болниците се намалува, а се зголемува бројот на исписи на пациенти со Ковид-19. Се намалува и бројот на позитивни пациенти, што значи дека мерките даваат резултати. Без разлика што бројќите паѓаат, периодов мора да бидеме исклучително внимателни, поради непредвидливоста на вирусот, соопшти министерот за здравство Венко Филипче.
Вкупната бројка на ковид- дијагностицирани лица во нашата земја од почетокот на епидемијата изнесува 148.618, бројката на оздравени пациенти е 125.593, а како последица на Ковид-19 починале 4.556 лица.