Хајко Мас во посета на Белград

Германскиот министер за надворешни работи Хајко Мас престојува во Белград, каде што ќе се состане со српската премиерка Брнабиќ, српскиот претседател Вучиќ и српскиот министер за надворешни работи Селаковиќ.

Германското министерство за надворешни работи претходно објави дека Мас во Србија ќе разговара и за процесот на дијалог за нормализирање на односите меѓу Белград и Приштина.

Посетата на германскиот шеф на дипломатијата доаѓа по минатонеделните извештаи во регионалните медиуми за можноста за прекројување на границите на државите кои некогаш биле дел од поранешна Југославија.