Истекуваат рестриктивните мерки, Комисијата за заразни болести ја анализира состојбата
Владата ќе пресече дали и како ќе продолжат ограничувањата на движење и дали ќе се отворат угостителските објекти. Бројот на заразени опаѓа, се намалува и притисокот врз болничките капацитети...
Утре истекуваат рестриктивните мерки. Комисијата за заразни болести ја анализира епидемиолошката состојба. Владата ќе пресече дали и како ќе продолжат ограничувањата на движење и дали ќе се отворат угостителските објекти. Бројот на заразени опаѓа, се намалува и притисокот врз болничките капацитети.
Според здравствемните власти мерките дадоа резултат. Во земјава има 16.900 активни случаи. Според последниот ковид- билтен од направени 2.362 тестирања, регистрирани се 314 новозаразени. Има 27 починати, а над 550 оздравени.
Вкупната бројка на ковид- дијагностицирани лица во нашата земја од почетокот на епидемијата изнесува 150.588. Министерот Филипче најави дека следниот период пристигнуваат поголеми количества на вакцини. 200.000 дози од вакцината „Синофарм“ треба да дојдат околу 28-ми април.