Димитров: Постои „прозорец на можност“ до јули да добиеме датум за старт на преговорите

Постои „прозорец на можност“ Македонија до јули да добие датум за старт на преговорите со Европската унија- во интервју за грчки „То Вима“ истакнал вицепремиерот за европски прашања Никола Димитров.

Нашиот случај е тест за кредибилитетот на Европската унија за Западен Балкан, вели Димитров.

Освен за европската интеграција, Димитров се осврнува и на бугарската блокада. Вели на ова треба да се додаде и неодамнешното пуштање на контроверзниот нон- пејпер за промена на границите и формирање поголеми држави, кога долгорочно имаме потреба од „европски балкан“ во кој границите ќе имаат помало значење.