Дјурант поблиску до Џордан, само Кавс имаа под 100

 

Иако почна со 5 промашувања во првите 6 обиди, Дјурант одигра уште еден маестрален шутерски натпревар, а на крајот се врати во игра од клупата и ги погоди сите 5 слободни во последната минута од мечот, за триумф со кој што Оклахома (50/18) се доближи до најдобриот резултат на Западот што во моментов е сопственост на Сан Антонио (51/16).

 

Кавалирс беа единствената екипа што синоќа броеше под 100, постигна "само" 95 поени, но имаше неверојатна серија од 21:2 и стигна до 92:97 во последата минута, во обидот да им ја украде победата на гостите кои што се опуштија по позитивата од 24 поени.

 

Тандер играше без Расел Вестбрук кој што е на заслужен одмор, откако се врати по операцијата на коленото, поради преголемиот притисок од многу натпревари во згуснатиот распоред.