„Фајзер/ Бионтек“: Вакцината е ефикасна и против индиската мутација

Основачот и директорот на лабораторијата „Бионтек“, Угур Сахин изјави дека е уверен во ефикасноста на својата вакцина, која е развиена со американската компанија „Фајзер“, и против „индиската мутација” на коронавирусот.

Иако тестирањето е во тек, индиската мутација веќе ја проучувавме и нашата вакцина делува против неа, истакна Сахин на онлајн прес-конференција.

Тој нагласи дека „Бионтек“ ја тестирал својата вакцина на повеќе од 30 мутации на вирусот и секојпат е добиен барем „доволен имунолошки одговор”.

Варијантата В.1.617, која прво се појави во Индија, е откриена во најмалку 17 земји.