Се очекуваат кинеските вакцини
Ситуацијата со Ковид-19 во земјава внимателно се следи и не се очекува зголемување на бројките на новозаболени, тврдат здравствените власти. Паѓаат бројките на новодијагностицирани, тоа се чувствува и во болниците каде притисокот се намалува и нема многу приеми на нови пациенти.
Според најавите, кинеските вакцини ќе пристигнат утре. Меѓу 5.000 и 7.000 вакцини на „Фајзер“ ќе пристигнуваат секој понеделник во мај, односно вкупно 26.000, најави вчера министерот за здравство Венко Филипче. Се очекуваат информации и за вакцини од Ковакс-системот.
Во меѓувреме, соседна Србија донираше дополнителни 13.000 вакцини „Спутник В“ на Македонија, наменети за ревакцинација. Досега Србија донираше вкупно 48.000 вакцини.
Ситуацијата со Ковид-19 во земјава внимателно се следи и не се очекува зголемување на бројките на новозаболени, тврдат здравствените власти. Паѓаат бројките на новодијагностицирани, тоа се чувствува и во болниците каде притисокот се намалува и нема многу приеми на нови пациенти.
Сепак, министерот за здравство Филипче, нагласува дека мерките мора да се почитуваат. Граѓаните мора да знаат дека имаат индивидуална одговорност и дека мора да ги почитуваат мерките, нагласи Филипче.
Вкупниот број Ковид-дијагностицирани во земјава од почетокот на епидемијата изнесува 151.569, бројот на оздравени пациенти е 131.530, на починати е 4.772, а на активни случаи изнесува 15.267 од кои 6.883 се во Скопје.