Исплатени околу 412 милиона денари субвенции за земјоделците
Средства од денешната исплата има на сметките на сите кои поднеле барања за финансиска поддршка од Програмата финансиска поддршка во земјоделството за 2020 година и законски се стекнале со право на оваа финансиска поддршка.
Агенцијата за финансиска поддршка во земјоделството и руралниот развој исплати околу 412 милиона денари субвенции на 9.738 субјекти. Станува збор за исплата на субвенции за одржување овошни насади и за мерката директни плаќања за мали земјоделски стопанства дефинирани според историски плаќања за претходните три години.
Средства од денешната исплата има на сметките на сите кои поднеле барања за финансиска поддршка од Програмата финансиска поддршка во земјоделството за 2020 година и законски се стекнале со право на оваа финансиска поддршка.
Право на користење на поддршката за овошни насади имаат производителите на сливи, круши, јаболка, праски, кајсии, вишни, цреши, јагоди, малини, капини, боровинки, дуњи, мушмули, маслинки, јапонско јаболко, бадеми, лешници, рибизли, гоџи бери, аронија.
Корисници на мерката директни плаќања за мали земјоделски стопанства дефинирани според историски плаќања за претходните три години се сите земјоделски стопанства кои земале финансиска поддршка во 2017, 2018, 2019 година и истите не биле корисници на останати подмерки.