Работниците го одбележуваат Меѓународниот ден на трудот со бројни прекршувања на работничките права

Први мај, ден за скара на отворено или ден кога работниците излегуваат на улица, барајќи подобри услови за работa. И годинава пандемијата од Ковид-19 ја исклучи оваа дилема. Двата најголеми синдикати најавија симболично одбележување на Меѓународниот ден на трудот, со мали собири и почитување на протоколите.

Од Сојузот на синдикати на Македонија бараат од Владата пристојна работа и пристојна заработувачка, а од Конфедерацијата на слободни синдикати со став, си ги бараме нашите работнички права кои секојдневно се кршат.

Економските мерки ги ублажија последиците од ковид- пандемијата, смета премиерот  Заев. Во пресрет на Меѓународниот ден на трудот, први мај, порача  дека  борбата  е секое работно место да биде задржано во услови на криза.