Во тек масовната имунизација против Ковид-19

Во тек е масовна имунизација против Ковид-19 во земјава. Покрај 200 илјади кинески вакцини, вчера пристигнаа и првите 4.850 вакцини од ЕУ, што ги доставија еврокомесарот за проширување Оливер Вархеји и австриската министерка за Европа, Каролине Едштадлер.

Зад нас останува периодот кога тешко се стигнуваше до вакцините и сите показатели и динамиката на пристигање на вакцините во претстојнииот период најавуваат дека во тој поглед имаме сериозни промени на подобро. Сепак и во такви услови солидарноста на ЕУ за нејзините земји членки, како и за земјите кандидати за членство во Унијата не изостана, изјави вчера премиерот Заев на заедничката прес-конференција со еврокомесарот за проширување Оливер Вархеји.

Премиерот очекува вкацинирањето да тече без престан, бидејќи обезбедени се ефикасни и безбедни вакцини и аперлираше до сите граѓани да се пријават на „вакцинација.мк“ за да добијат термин за вакцинирање.

ЕУ одобри вкупно 119.213 дози „Фајзер“ вакцини за земјава, преку трилатералните договори во рамките на програмата „Тим Јуроп“.