Нова инвестиција на „ЛЕАР“ и „Нормак Инвестмент Груп“
Станува збор за нов втор инвестициски циклус кој изнесува 15 милиони евра. Во постоечкиот прв производствен погон на фабриката „ЛЕАР“ во ТИРЗ Тетово, веќе се произведуваат навлаки за седишта и сродни производи за автомобили за извоз.
Утре ќе се постави камен темелникот на новата заедничка инвестиција на американската компанијата „ЛЕАР“ и „Нормак Инвестмент Груп“, во Технолошко индустриската развојна зона во Тетово, соопштуваат од владината прес- служба. Свое обраќање ќе има и премиерот Заев.
Станува збор за нов втор инвестициски циклус кој изнесува 15 милиони евра. Во постоечкиот прв производствен погон на фабриката „ЛЕАР“ во ТИРЗ Тетово, веќе се произведуваат навлаки за седишта и сродни производи за автомобили за извоз.
На настанот ќе се обратат и министерот за економија, Крешник Бектеши, директорот на Дирекција за технолошки индустриски развојни зони, Јован Деспотовски, претседателот на борд на директори на „Нормак Инвестмент Груп“, Аки Етеми, а најавено е присуство и на првиот заменик претседател и министер за политички систем и односи меѓу заедниците, Артан Груби.