Филипче се вакцинираше со „Синофарм“, вели- вакцините се безбедни и проверени

Министерот за здравство се вакцинираше со кинеската „Синофарм“. Филипче вели- вакцините се безбедни и проверени. Сето тоа е потврдено низ научни студии, а евентуалните нус појави се со краток рок и без посериозни последици.

„Апелирам сите да се свесни дека вакцините се безбедни, дека несаканите ефекти се навистина мали. Има точни контраиндикации за возрасни групи и ние тоа го влечеме како податок од научните испитувања. Денеска јас ја примив вакцината на Синофарм“, изјави Филипче по вакцинирањето.

Според информациите од Министерството за здравство,  на вакциналните пунктови низ земјава заклучно со вчера вакцинирани се вкупно 84.312 граѓани. Прва доза вакцина вчера примиле 10.135 граѓани, а вчера вкупно се вакцинирале 12.606 граѓани. Две дози на ковид вацкина досега примиле 20.650 граѓани, а 28% од населението над 70 години имаат примено барем една доза вакцина.

На сајтот „вакцинација.мк“ пријавени се над 256 илјади граѓани. Во земјава имунизацијата се одвива со вакцините на „Фајзер“, „Астра Зенека“, „Спутник“ и „Синофарм“.