Кожув го совлада Куманово со 98:87

Во натпревар без поголемо значење, во кој двата тима уште претходно обезбедија настап во Супер лигата беше демонстрирана брза и атрактивна кошарка, во која Кожув постигна вторпат во само три дена постигна убедлива победа над екипата над Куманово.  

Кожув одлично го отвори натпреварот, со водство од 6:0, потоа и 10:2, а по 6 минути игра за првпат и со двоцифрени 22:12. Највисоката разлика беше 28:14, но Кумановци до крајот на првиот период намалја на 28:20. Серијата ја продолжија и во втората четвртина, кога по 4 минути игра првпат поведоа со 33:32, но со серија тројки Гевгеличани поведоа со 46:38. Ефикасното полувреме заврши со поен предност, благодарение на упорноста на гостите кои во завршницата намалија на 53:52.

Во третата четвртина, по почетното израмнување на 55:55 доминираше екипата на Кожув со серија од 13 поени, која во средишницата дојде до 73:57. Како и завчера во БИБЛ лигата, гостите драстично паднаа во тој период, во кој постигнаа само 10 поени и во последниот период влегоа со негатива од 75:62.

Во завршните 10 минути Кожув стартуваше со одлична серија за највисокио 91:71 на пет минути до крајот, по што домашните одиграа поопуштено, а шанса добија тројцата најмлади од кои Велковски постигна 4 поени. Кончениот резултат 9:87 за втора победа на Кожув сезонава во лигата над Куманово, со која Гевгеличани завршија на 2 место со 14 победи и само 2 пораза. Куманово е на 4 место со 9 победи и 7 загубени мечеви. Најефикасен во победничкиот состав беше Пековиќ со 17 поени, еден повеќе од Штерјов, а кај гостите Мишковиќ постигна 22 поена. Во Супер лигата која ќе стартува следниот викенд, Кожув и гостува на Струмица, Куманово на Лирија, а во дербито ќе се сретнат МЗТ Скопје Аеродром и Работнички.        

Утре играат Фени Индустри и Лирија, задутре Струмица и Работички, а во понеделник Карпош Соколи и Пелистер.