Мицкоски: Го информирав Туск за корупцијата и криминалот во земјата

„Разговаравме за актуелните случувања во земјава, го информирав за високиот степен на криминал и инволвираноста на високите претставници на владата во криминал кој минува неказнет, како и за широката распространетост на корупцијата и гушењето на слободата во земјата.“ Ова го наведува лидерот на ВМРО-ДПМНЕ, Христијан Мицкоски по телефонскиот разговор со претседателот на Европската народна партија, Доналд Туск.

Дополнувајќи дека со Туск е договорена поблиска соработка, Мицкоски го известил поранешниот претседател на Европскиот совет за неможноста од напредок,со корумпирано судство, дека не се можни фер избори со поткуп.

Невозможна е нормалноста покрај силеџиска и исплашена влада која турка закони за лични интереси на грбот на народот, рекол лидерот на опозицијата.