Продолжен рокот за запишување нови земјоделски стопанства
Новите земјоделци и новите фирми треба да се запишуваат во регистарот на земјоделските стопанства. Крајниот термин за пријавување е продолжен и ќе трае сѐ додека се поднесуваат апликациите за субвенции, односно до 31-ви мај. Евиденцијата е еден од условите за добивање субвенции. Промените во сопственичката структура исто така мора да се пријават во регистерот...
Новите земјоделски стопанства и земјоделските фирми ќе можат да се запишат и да се евидентираат во регистарот на Министерството за земјоделство и Агенцијата за ветеринарство сѐ додека трае поднесувањето на апликациите за добивање на субвенции, односно до 31-ви мај. Роковите за поднесување на барањата ги одредува Платежната агенција. Ова е еден од условите за остварување на правото за државна финансиска поддршка.
Оваа обврска ја имаа и оние фармери кои во меѓувреме ја зголемиле или намалиле, односно направиле промени во сопственичката структура на површините кои ги обработуваат и на бројната состојба на животните кои ги одгледуваат.
Добивањето на субвенциите во сточарството зависи од бројната состојба на добитокот запишана во Агенцијата за ветеринарство или бројот на домашни животни на денот на поднесување на барањето за субвенции.
Пријавувањето се врши во подрачните единици на Министерството за замјоделство каде што живее земјоделецот или каде што се наоѓа седиштето на фирмата.
Методија Трајков