По 20 години уапсен убиецот на загрозени тигри

Осомничениот за убиство на 70 загрозени тигри е уапсен во Бангладеш по 20-годишна потрага. Хабиб Талукдер, познат како Тигар Хабиб, конечно бил фатен по дојава, откако за него беа распишани три претходни потерници.

Тој дејствувал во шумата Сундарбанс, на границата помеѓу Индија и Бангладеш, каде што живее најголемата популација на Бенгалски тигри во светот.

Во дивината останаа само неколку илјади, бидејќи на црните пазари ширум светот се купуваат нивните крзна, коски, па дури и месото.