Забрана за работа за четири компании, седум заработија казни за неправилностите со увозот на мазут
Неправилно декларирање и пропусти во доставата на мазут. Четири компании добија привремена забрана за работа, седум заработија прекршочни пријави и казни над 55 илјади евра. Регулаторната комисија ќе решава за одземање на лиценците...
Неправилно деклариран мазут, отстапувања во параметрите, поголем процент на вода - спроведените контроли на Државниот пазарен инспекторат покажаа неправилности кај четири компании- увознички на мазут и нафтени деривати. Добија решенија за забрана за работа, побарано и одземање на лиценците. Документацијата доставена до Обвинителството за утврдување кривична одговорност.
Надзорите ги опфатиле сите фази – увозот, складирањето, користењето на дериватите. Констатирани неправилности и во делот на чувањето залихи и сметководствената евиденција.
На седум компании изречени им се прекршочни казни од над 55 илјади евра. Министерот Бектеши вели- наскоро се очекуваат и резултатите од направените испитувања на квалитетот на горивата на бензиските пумпи.
Дијана Ценевска