Успешно извршена уште една трансплантација на срце

На државната кардиохирургија четврта успешна трансплатација на срце. Уште еден пациент доби нова шанса за живот. По предходна согласност од семејството, срцето и бубрезите се донирани од 44-годишен починат донор.

Стотина лекари, медицински сестри и болничари работеа заедно како тим и покажаа како беспрекорно функционира здравственитот ситем, објави министерот за здравство Филипче на својот Фејсбук профил.

Тројца пациенти ноќеска се подготвуваа за трансплантација на органиите – срцето и бубрезите од донорот. Постапката за трансплантација на срцето и бубрезите почна по полноќ, а потоа и експлантација на коскени ткива.

Целата постапка ја водеа болничките координатори од КАРИЛ заедно со Министерството за здравство.

Првата трансплантација беше направена во мај лани, а годинава имаше уште две, од починати донори.