Ред Бул се заканува

Од Ред Бул имаат многу забелешки на водењето на првенството од страна на федерацијата и за нив веќе не е прашање дали формула 1 има економска оправданост, туку дали има спортски вредности и дали е под политичко влијание. Од Ред Бул и натаму тврдо стојат на ставот дека сензорот за проток на гориво што ФИА го користи уште од претсезонските тестирања е неисправен и дека на сослушувањето закажано за 14 април во Париз тоа и ќе го докажат.За разлика од повеќето други тимови зад Ред Бул не стојат автомобилски компании и нивниот интерес во Ф1 е во областа на маркетингот, па според Матешиц ако немаат маркетиншка оправданост за учеството во шампионатот тогаш ништо не ги врзува за Ф1.

„Постои јасна граница до каде што можеме да одиме“-вели Матешиц, додавајќи дека е бесмислено да се уриваат рекорди во ниска потрошувачка на гориво, дека поентата на трките не е во тоа гледачите да можат да разговараат меѓу себе поради тивките мотори,а најголема возбуда да биде звукот од пневматиците. Според него, апсурдно е ГП 2 серијата да биде дури и побрза од болидите во Ф1.