Њујорк го губи чекорот со Атланта

Џек постигна 31 поен од кои 23 во второто полувреме по лекцијата на однесување што тренерот Мајк Браун им ја одржа на кошаркарите на Кливленд, патем имаше и 10 асистенции, 5 скокови и 1 блокада, во триумфот кај Њујорк со 100:106. Кавалирс ја прекинаа серијата од 4 средби без победа сезонава и воедно серијата од 5 порази во Медисон Сквер Гарден.

Кармело Ентони беше број 1 кај домашната екипа, но во последниот период ги промаши сите 5 обиди. Учинокот на Ентони беше 32 поена, со 8 скока, 2 асистенции и 2 блокади. Никс сега се на -3 победи од Атланта, во битката за последната плеј оф позиција на Истокот.

Бруклин победи на гостувањето во Далас, а тренерот на победничката екипа Џејсон Кид доби цел сад со мраз и студена вода врз главата, во чест на неговото враќање на паркоетот на кој што ја освои титулата како кошаркар (2011) и воедно како подарок за неговиот 41 роденден. 

Џонсон постигна 22 поена, меѓу кои и решавачкото положување со кое што Нетс изборија продолжение, а потоа и славеа со 104:107. Торнтон постигна 11 во последниот период од неговите вкупно 20 поени, со што Нетс ја продолжија серијата на 4 победи. Монта Елис го предводеше Далас со 32 поена, а Дирк Новицки имаше само 10 со удар од поле 2/12.

Хил имаше личен рекорд од 28 поени во победата на Лејкерс против Орландо, со 103:94. Ова беше 9 пораз во низа за Меџик, а тимот од ЛА ја прекина серијата од 4 порази.