Трета премиера на Битолскиот театар
Премиерно на сцената на Битолскиот народен театар „History of matherfuckers“ во режија на српскиот режисер Андраш Урбан. Претставата е работена според „Кориолан“ на Шекспир и авторски текстови на Ведрана Божиновиќ.
Познатиот српски режисер Андраш Урбан со трет театарски проект на битолската сцена. Овојпат ја поставува претставата работена според „Кориолан“ на Шекспир и авторски текстови на Ведрана Божиновиќ. Шекспирово дело кое говори за превртливоста и лицемерието суровата реалност што многу одамна ја запознавме и ја живееме на Балканот, а во последно време се чувствува и во Европа.
„Кориолан е претстава која поставена од римско време и во себе го носи судирот помеѓу автократското и демократското. Во самата претстава провејува односот кон демократијата“, изјави режисерот Урбан.
Ова е третата премиера во пандемскиов периот. Претставата е прилогадена на таквите услови и настапуваат пет актери.
Раководството на оваа театарска куќа веќе најави дека со оваа претстава на 16-ти јули ќе настапи на Охридско лето, а две недели порано таа ќе биде нивни репрезент на Шекспир фестивалот во Србија.
Стевче Митревски