Фаучи: Делта мутацијата е најголема закана за борбата против пандемијата
Фаучи додаде дека вакцините кои се одобрени во САД се ефикасни против овој вид.
Американскиот експерт за инфективни болести Ентони Фаучи тврди дека делта варијантата на коронавирусот е најголемата закана за борбата против пандемијата. Мутацијата која беше откриена во Индија се пренесува побрзо и станува доминантна на глобално ниво. Фаучи додаде дека вакцините кои се одобрени во САД се ефикасни против овој вид.
Изворот на новиот коронавирус и натаму предмет на жестока дебата и меѓусебни обвинувања. Кина бара темелна истрага во САД за потеклото на Сарс-Ков-2.
„Бараме истраги од три аспекти. Првиот е за изворот на епидемијата. Вториот е неспособноста да се справат со епидемијата и со виновниците, и третиот се однесува на проблемите во Форт Детрик и двестоте лаборатории во странство“, изјави Жао Лиџијан, портпарол на кинеското МНР.
Досега од ковид-19 починале над 3,88 милиони лица.