Заев: ЕУ има проблем, но ние не се откажуваме

Денес Европа има проблем, визионерската идејата за обединување има проблем. Брисел ни порача дека ЕУ не успеа да најде начин за заслужената интеграција на Западен Балкан, изјави премиерот Заев. Вели- алармот е вклучен. Европските интеграции не треба да бидат заложник на билатералните прашања.

„Преговорите со ЕУ не смеат да се претворат во преговори со Бугарија. Нашиот напредок во ЕУ-интеграциите првенствено треба да зависи од домашните реформи врзани со поглавјата, законодавството на ЕУ и постигнување на европските стандарди. Токму затоа сметаме дека во преговорите или во рамката не треба да се внесуваат билатерални прашања. Тоа е опасен преседан и тоа е став кој го делат сите останати земји членки на ЕУ. Македонскиот национален идентитет едноставно е невозможно да биде предмет на преговори. Покажавме храброст и искрена волја за решавање на билатералните односи преку заемно почитување и заштита на националното достоинство“, рече Заев.

Македонскиот премиер дециден дека не се откажува. Најави повторна посета на Софија, сѐ додека не се најде решение на недоразбирањата.