Меркел: Нема договор за самитот со Русија

Германската канцеларка Ангела Меркел потврди дека лидерите на Европската унија не постигнале договор за самитот со Русија предложен вчера од Берлин и Париз.

Меркел рече дека лидерите на ЕУ ги редефинираат условите под кои тие се подготвени да соработуваат со Москва, но дека нема договор за самитот.

Европската унија е длабоко поделена во пристапот кон Москва, а членките кои се граничат со Русија го отфрлија Француско- германскиот план за продолжување на официјалните средби со рускиот претседател Владимир Путин, пренесува АП.