Означени плнинарски патеки во Скопска Црна Гора
Амбасадата на Република Словенија во соработка со Федерацијата за планинарство на Северна Македонија го завршија проектот„Означување на планинарски патеки во Скопска Црна Гора“. Со промовирањето се одбележува соживотот со природата и важноста за заштитата на животната средина со акцент на квалитетно поминатото време во природа, во што Словенија има долга традиција, потенцираше словенечкиот амбасадор во земјава...
Со мапирање и обележување на планинските патеки се олеснува пристапот до скриените убавини на природата. Соживотот со неа има бројни придобивки за здравјето. На македонската Света Гора, како што ја нарекуваат, е завршен проектот за означување на планинарски патеки. Реализиран со помош на словенечки компании, целта е да се промовира важноста за заштита на животната средина, порача амбасадорот на Словенија во земјава, Предан.
Од планинарскиот клуб „Скопска Црна Гора“ веќе 10 години ги мапираат и обележуваат патеките, велат од кое село да тргнете, ќе стигнете до Спирова колиба. На мапата се обележани 7 патеки. Тврдат дека не се тешки за искачување, можат да планинарат и рекреативци и планинари.
Планинарењето претставува запознавање на убавините на земјата, но и откривање на сопствените духовни богатства и запознавање на внатрешните способности.
На Скопска Црна Гора има поголем број планинарски патеки кои нудат можност за разгледување на големиот број на цркви и манастири, да се разгледаат природните реткости на планината и да се ужива во панорамскиот поглед кон скопската котлина.
Александра Спировска