Имунизацијата доби динамика, дневно се вакцинираат околу 12.000 граѓани

Со големите пратки вакцини од „Фајзер“ и „Синовак“, вакцинацијата доби на динамика. Дневно се боцкаат по 12.000 луѓе. Во дел од градовите почна и теренска имунизација за оние лица кои се тешко подвижни.

Дали ќе биде потребна и трета доза вакцина, министерот вели - ниту производителите, ниту експертите засега немаат јасен став. Филипче не ја исклучува можноста вакцината против Ковид-19 да стане сезонска.

Министерот за здравство информираше дека деновиве се очекува и пратка, донација од Хрватска, која се состои од 10.000 вакцини од производителот „АстраЗенека“.

Во текот на наредната недела, според најавите, треба да стигнат и 10.000 вакцини „Спутник“. Бројот на новозаразени продолжува да опаѓа, но постои загриженост поради ширењето на „делта“ сојот низ светот.

Александра Спировска