За издавање лични документи во Струмица се чека со часови
Нервоза и тензии во струмичката Управа за издавање лични документи. Граѓаните се жалат дека чекаат со часови, а МВР вели- сѐ се одвива според предвидената динамика...
Им направи ли „Северна“ проблем на службениците во Управата за лични документи?! Струмичани по закажаниот термин, сведочат пред нашиот објектив дека чекаат и по неколку часа. Велат системот им паѓал постојано, еден граѓанин во просторијата се здржувал и до 30 минути, нема ред, револтирани се и дека згора на сѐ, влегуваат на задна врата познаници, пријатели, роднини на службениците.
Од МВР пак, децидни, немало проблем со системот оти бил изработен и повеќепати проверуван пред да биде ставен во употреба. Конкретно за струмичката управа велат дека немале добиено никаква поплака или претствака дека системот не функционира.
И по стотина граѓани чекаат во попладневните часови, тензиите растат, а Струмица во наредниот период ги очекува и гастарбајтерите, со тоа и дополнителната гужва пред шалтерите. МВР најави дека е продолжено работното време и воведено е и работење во викенд.
Стојне Митева