Во вакциналниот пункт во Велес започна вакцинацијата без закажан термин
Уште пред отворање на вакциналниот пункт во Велес, редици од граѓани кои чекале да ја примат првата доза на „Синовак“. Започна вакцинацијата без закажан темин и повозрасната група граѓани навалија да ја примат вакцината за заштита од корона вирусот...
Од утрово во вакциналниот пункт во Велес, започна да вакцинира за заштита од Ковид-19, без закажан термин. Лицата кои сакат да се заштитат од корона вирусот, навалија пред отворање, па кога здравствените работници дошле, виделе редици од луѓе.
Оваа седмица голем е опфатот на лица кои примаат вакцина во пунктот во Велес. Се вакцинираа и лица од Гевгелија, Неготино, Дамир Капија, Валандово и Богданци, со втора доза „Фајзер“, просветни работници од Велес, од основно и средно образование.
Досега во овој вакцинален пункт вакцинирани се 13.319 граѓани, од нив со две дози 4.336, а со прва доза 8.983 лица. Во Здравствен дом Велес вакцинирани со „АстраЗенека“ се 1.400 лица над 70 годишна возраст а ревакцинацијата завршува на 13-ти јули.
Надлежните отфрлаат дека причината за зголемениот одѕив е појавата на „делта сојот “ на Ковид-19 во Велес, кој е регистриран кај пациент од велешко село, кој на 21-ви јуни се вратил од Англија, а е хоспитализиран од 28-ми.
Петар Печков