Очекувана е појавата на нови соеви на Ковид-19 во земјава

Нема нов случај на делта мутацијата на корона вирусот, но МАНУ алармира за нови четири случаи суспектни на Јужноафриканскиот сој. Министерот Филипче информира дека сите се од Тетово и во тек е секвенционирањето. Според ресорниот министер, ова е само потврда дека во земјава се присутни и други соеви на Ковид-19 . Сите вируси, особено РНК вирусите многу мутураат, а може да се очекуваат и нови.

За лекарите ова е очекувано, имајќи во предвид дека границите се отворени, но секако влијание има и што се опуштивме поради вакцинацијата.

Филипче апелира на повисока свесност за вакцинацијата. Посочува дека во моментов ситуацијата со коронавирусот е стабилна и нема потреба да дополнителни рестриктивни мерки. Дециден е дека политиката на затворање се спроведуваше во периодот кога не беа достапни вакцините.

Од идната недела почнува теренска вакцинација и боцкањето граѓаните без закажување. Досега се вакцинирани 70 проценти од здравствените работници, половина од лицата над 70 години и околу 40 насто над 60 години. Засилената вакцинација во наредните два месеца ќе продолжи и кај медицинарите и наставниците.

Дијана Ценевска