Од есен задолжителен вакцинален сертификат за присуство на настани
Здравтсвените власти размислуваат од есен за да се присуствува на групни настани да биде задолжителен вакциналниот сертификат. Според минстерот Филипче, важно е медицинскиот персонал, наставниците и вработените од градинките да бидат целосно имунизирани. Бидејќи вакцината не е задолжителна, документот за вакцинација како „влезница“ би ги мотивирал граѓаните за имунизација и создавање колективен имунитет...
За посета на кино, театар, спортски натпревар, од септември може да биде потребен сертификат за примена вакцина против Ковид- 19. Според првиот човек на здравство, сите опции се отворени, бидејќи вакцината не е задолжителна, а колективниот имунитет е неопходен за соодветно справување со пандемијата.
Ние ги користиме сите механизми за интензивна кампања. Сите кои се заинтересирани можат да се имунизираат, истакна Филипче.
Според проценките на надлежните до крајот на месец јули околу 500.000 илјади луѓе ќе бидат вакцинирани со една доза и приближно исто толку ревакцинирани.
Министерот за здравство Филипче, ги посети пациентите на Клиниката за кардиологија врз кои е извршена новата метода, една од најсложените во оваа област, интервенција на стеснувањето на аортниот залисток.
Наташа Јанчиќ- Менковски