СЗО: За една недела за 43 насто повеќе смртни случаи во Африка

Смртните случаи поврзани со коронавирусот во Африка се зголемија за 43 проценти за само една недела, соопшти Светската здравствена организација.

Зголемувањето е најбрзо регистрирано на континентот. Главните причини за брзиот раст се недостигот на машини за кислород и слободните  места во единиците за интензивна нега.

Според СЗО, стапката на смртност од коронавирус во Африка е 2,6 проценти, додека светскиот просек е 2,2 проценти.

Најголем број на смртни случаи има во Намибија, Јужна Африка, Тунис, Уганда и Замбија.