Рекордно полугодие за ТИРЗ, се преговара со 30 нови компании
Се преговара со 30 нови компании за вложувања во земјава, вели првиот човек на ТИРЗ. За шест месеци извозот надминал милијарда ипол, увозот бил зголемен за 90 проценти. Економијата во зоните бележи реален раст, рекордно полугодие во работењето на ТИРЗ, оцени директорот Деспотовски. Очекува трендот да продолжи...
Се преговара со 30 компании, се чекаат вложувања вредни 400 милиони евра во индустриските зони - изјави првиот човек на Дирекцијата. Вели „Дура“ планира проширување на инвестицијата во трета фаза, „Витек“ дополнителен капитал во земјава, 40 милиони чекаат формално одобрување. Не зборуваме за опоравување, туку за реален раст на економијата во ТИРЗ- оценува Деспотовски. Анализата за работењето покажала за шест месеци склучени договори со инвеститори тешки 105 милиони евра, извоз од над милијарда ипол, за 68 насто поголем од лани, увоз со 90 проценти повисока вредност.
Во зоните работат над 14 илјади и 200 лица, за речиси десет насто е зголемен просечниот број споредбено со лани- посочуваат од Дирекцијата.
Деспотовски останува на проекциите за милијарда нови странски инвестици и 14 илјади работни места во следните три години. Вели, наскоро ќе излзе со нов концепт за привлекување инвеститори кој наместо евтина работа сила, во фокусот ќе има квалитетни инвестици и поголеми плати за вработените.
Сузана Фиданска- Стоевска