Објавен оглас за 500 образовни асистенти за децата со атипичен развој
Во тек е оглас за 500 образовни асистенти. Ќе им помагаат на децата со атипичен развој да ја совладаат наставната програма. Асистентите ќе бидат вработени во Ресурсниот центар за поддршка на инклузивно образование. Ќе бидат вклучени во сите основни училишта низ дражавата...
„Мојот асистент треба да биде активен и секогаш спремен за моите предизвици“- ваков образовен асистент сака петнаесетгодишната Дени. Од спетември треба да биде со неа во училница и да ѝ помага да ја совлада наставната програма. Во тек е оглас за 500 образовни асистенти. Според нејзината мајка, тоа ќе биде големо олеснување за сите деца со атипичен развој, но и за родителите.
Асистентите ќе бидат вработени во Ресурсниот центар за поддршка на инклузивно образование. Ќе имаат плата од околу 24.000 денари. Образовните асистенти ќе бидат вклучени во сите основни училишта низ дражавата.
Од септември ќе почне пилот-проект за асистенти во средни училишта. Со измените на Законот за средно образование, и овие ученици ќе добидат поддршка.
Наташа Јанчиќ Менковски