Османи во Киев на основачкиот самит на Кримската платформа

Министерот за надворешни работи Бујар Османи во Киев учествува на основачкиот самит на Кримската платформа. Станува збор за украинска иницијатива за обединување на меѓународните напори за состојбите околу Крим.

Присуствуваат претставници на повеќе од четириесет земји, меѓу кои голем број членки на ЕУ и на НАТО, кои ќе бидат претставени на високо ниво вклучително и девет претседатели, неколку премиери како и шефови на дипломатиите.