Брет: Изборната кампања досега има мирен развој

Изборната кампања до сега има мирен развој, но ќе ја следиме состојбата - изјави денеска амбасадорот на ОБСЕ во Македонија, Ралф Брет. Во однос на бојкотот на ДУИ за претседателските избори, Брет посочи дека тоа е одлука на самата партија.

„Досега она што можам да го забележам е дека има мирен развој, нема некои инциденти, целата кампања мирно се одвива, а за понатаму ќе има подетални информации“, изјави Брет, кој денеска одржа предавање на Универзитетот на југоисточна Европа во Тетово.