Јапонија: Премиерот Суга се повлекува од функцијата

Јапонскиот премиер Јошихиде Суга по само една година се повлекува од функцијата. Изјави дека нема да учествува во трката за лидерство на владејачката Либерално-демократска партија на крајот на септември, дека се повлекува и дека сака да се фокусира на мерките за борба против пандемијата.

Суга се соочи со голем број критики, како и со голем пад на поддршката поради бавното спроведување на мерките против коронавирусот. Најконтроверзен момент, сепак беше одржувањето на Олимпијадата во Токио, и покрај грижите за јавното здравје.