Повисоки цени на горивата од полноќ

Бензините и дизелот поскапуваат за денар. Регулаторната комисија за енергетика ги објави новите цени за неделава. Од полноќ, бензинот од 95 октани ќе се точи за 72 денари за литар, два денари поскап е бензинот од 98 отани, новата цена на дизелот изнесува 63,5 денари.

Екстра лесното масло за домаќинство поскапува за половина денар и ќе се продава за 63 денари за литар, а повисока цена добива и мазутот.

Во просек, малопродажните цени на нафтените деривати се зголемуваат за 1,48 проценти, како резултат на повисоките цени на светските берзи и движењето на курсот на денарот во однос на доларот.