Канада: Отворени границите за целосно вакцинирани странци

Канадските власти ги отвораат државните граници за целосно вакцинирани странци кои сега можат и туристички да патуваат во земјата. Државјани на други земји целосно вакцинирани со вакцините на „Фајзер“, „Модерна“, „Џонсон и Џонсон“ и „Астра Зенека“, можат да отпатуваат во Канада најмалку 14 дена после втората доза.

Покрај тоа, туристите мора да имаат и негативен ПЦР тест направен до 72 часа пред да пристигнувањето, и да се регистрираат во специјална апликација за патување.

Царинските службеници го задржуваат правото да упатат патник на експресен тест за коронавирус.