Авганистан: Студените се вратија на факултетите, разделени со паравани

Студентите се вратија на настава на факултетите за прв пат откако талибанците ја презедоа власта во Авганистан. Машките и женските се разделени со паравани што се протегаат низ средината на предавалната. На студентките им се советува да носат долга, широка, црна туника што ја покрива косата, наречена абаја и превез на кој се гледаат само нивните очи, односно, никаб.

„Мислам дека ја почитувам исламската облека. Не носам црна абаја, бидејќи мислам дека е премногу жешко за тоа, премногу, тешко е да се носи сега“, вели една студентка.

Доаѓањето на талибанците на власт веќе се чувствува во Авганистан. Долгите исламски облеки се вратија на улиците на Кабул и се задолжителни. Особено во приватните универзитети, каде наставата почна на -ти септември. Жените можат да учат, но мора да го сторат тоа далеку од машките погледи.

„Пред да учиме, бевме другари, а сега оваа завеса, прави ужасен притисок, но немаме избор.“

„Ова е апсурдно. За нас се престанува, многу луѓе си заминаа. Се чувствувам осамено и очајно“, велат студентките.

Министерот за високо образование на талибанците, Хакани, рече дека девојките мора да разберат дека тоа е за нивно добро.

„Останува на универзитетите и наставниците да обезбедат да се почитува нашиот декрет, исламската облека и почитувањето на шеријатскиот закон“, изјави Абдул Баки Хакани,  талибански министер за високо образование.

Не е познато какви ќе бидат правилата на државните универзитети.

Кога талибанците владееја со Авганистан од 1996 до 2001 година, на девојчињата им беше забрането да одат на училиште, а на жените да работат.

Откако ја освоија целата земја поради повлекувањето на западните сили, меѓународната заедница бара од талибанците да ги почитуваат правата на жените.

Марина Ристова