Во Скопје прогласена епидемија на морбили

Во Скопје има 25 заболени од мали сипаници, а заболените се  семејно поврзани- информираат од Центарот за јавно здравје –Скопје,а Комисијата за заразни болести при Министерството за здравство по вчерашниот состанок прогласила епидемија поради тоа.  Во 4-5 семејства има по неколку заболени  главно невакцинирани.  Само еден од нив е вакциниран со цела доза и еден со половина. Затоа, кај сите во семејствата што не биле вакцинирани  е извршена вакцинација и кај возрасните и кај децата. Половина од заболените се возрасни, а  другите се деца до 4 годишна возраст. Повеќето се од селата околу Скопје.

 

Морбилите или малите сипаници се заразно заболување што се манифестира како грип или настинка со висока тѕемпература,грозница, а по период на инкубација околу една недела се јавува осип по целото тело. Возрасните  потешко ги прележуваат, а може да има и посериозни последици.Од 22 хоспитализирани во овој бран на епидемијата во Скопје, една од заболените била трудница и го изгубила плодот поради сипаниците.