Забелешки за Предлог- законот за минерални суровини

Постапките за давање концесии за експлоатација на минерални суровини не се доволно транспарентни за жителите на локалните заедници, ископувањето на песок и чакал од реките и езерата се дозволува исклучиво за бизнис-цели, а третманот на хидројаловиштата како потенцијално најопасни места во рударските комплекси не е доволно регулиран. Ова се дел од забелешките на новиот предлог-закон за минерални суровини, кои алијансата за застапување и лобирање „Разбистри сѐ“ ги престави на јавна расправа.

Во решението има одредени подобрување - намален е обемот на површина којашто се експлоатира, скратено е и времетраењето на концесиите.

Предлог- законот за минерални суровини беше повлечен на доработка, за потоа со европско знаменце да се врати во Собранието.

Ана Јосифоска Тодоровска