Жртви во силен земјотрес во југозападниот дел на Кина

Најмалку три лица загинаа, а десетици се повредени во земјотрес од 6 рихтери во провинцијата Сечуан, југозападна Кина.

Епицентарот бил во близина на градот Лужоу. Евакуирани се речиси 7.000 лица. Уништени се 737 куќи и над 7.000 згради.

Сечуан беше погоден од земјотрес со јачина од 7,9 степени во мај 2008 година, во кој загинаа речиси 90.000 луѓе.