Попишани вкупно 711.418 лица, 221.268 домаќинства и 297.085 станови

Вкупно 711.418 лица, 221.268 домаќинства и 297.085 станови се попишани заклучно со 20 часот вчера, информираат денеска од Државниот завод за статистика.

„Текот на пописот е во рамките на она што го очекувавме, па дури и со темпо кое што мислиме дека е подобро од очекуваното. Дневно во работни денови, просекот на попишување е околу 100.000 лица, за викенд е нешто подобро и очекуваме следниот викенд да биде уште подобро“, изјави денеска директорот на ДЗС,  Апостол Симовски.

Пописот на населението, домаќинствата и становите во Република Северна Македонија, кој официјално започна на 5-ти септември ќе трае до 30-ти септември.