Голем интерес за отварање на приватни старски домови и градинки
Старски домови по американски и скандинавски стандарди ќе се градат во Македонија...
Инвеститори од САД, Канада и Шведска се интерсирале да отворат старски домови. За нив има и поволности. Градежното земјиште можат да го купат по едно евро за квадрат, комуналиите се намалени за 95 проценти, а можат да користат и субвенции. Но и стотина македонски граѓани и компании се распрашувале за процедурата за отворање старски дом или градинка.
„Поради поволностите што им се нудат на приватните инвеститори, нивната заинтересираност е се поголема за отворање нови детски градинки. Во моментов, во процедура се отворање на седум приватни детски градинки“, вели министерот за труд и социјална политика, Диме Спасов.
И Агенцијата за вработување со поволности за оние што ќе вработат кадар од нивната евиденција. Велат ќе дојде до намалување на бројот на невработените воспитувачки, негувателки, медицински сестри.
„Инвестициите и започнување на некој бизнис предизвикува раздвижување на пазарот на трудот“, нагласува Слободанка Алексовска, раководител на Центарот за вработување на град Скопје.
Во земјава во моментов работат 5 приватни детски градинки и 15 приватни домови за стари лица.
Наташа Јанчиќ