Бесарт Абдурахими ќе игра за Македонија

Албанецот со македонско потекло треба да дебитира во составот на Бошко Ѓуровски на мајскиот подготвителен собир во Австрија каде што ќе и се спротивставиме на селекцијата на Камерун во пријателски натпревар.

ФФМ е постојано во преговори за ангажман на неколку талентирани фудбалери со македонско потекло,па така е активирана и можноста да му се додели пасош на 23 годишниот Абдурахмани кој игра како крилен напаѓач, но и во средниот ред.

Бесарт Абдурахмани, кој е роден во Загреб по потекло е од Гостивар, а фудбалската кариера ја почнува во ФК Загреб каде што три години игра за првиот тим. Оваа година прави трансфер во Хапоел Тел Авив и на 10 натпревари трипати се запишува во листата на стрелците.

Фудбалерот за кој пред заминувањето за Израел, хрватските медиуми пишуваа дека е интересен за Лацио и за Лион, има настапи за „коцкестите“ селекциите до 19 и до 21 година, но тоа нема да биде пречка тој да дебитира за сениорската селекција на Македонија.