Европски денови на културното наследство

Европските денови на културното наследство се најшироко прифатен културен настан кој што го споделуваат граѓаните на Европа. И во нашата земја, во тек се Деновите на културно наследство 2021. Се организираат во рамки на темата „Културно наследство за сите“.

Како и во повеќето европски земји земји, целта е да се сврти вниманието кон маргинализираните групи и лицата, кои на одреден начин се попречени во нивната желба да го запознаат нашето богато културно наследство.

Така, Музејот на РС Македонија донира училишни ранци и публикации од издавачката дејност на Музејот на деца со оштетен слух и говор, работилница организира Археолошкиот музеј за лица со Даунов синдром, Националната галерија работилница за деца со оштетен слух, говор и вид, како и изложба за деца од бошњачката заедница.

Музејот на македонска борба организира изложба „Фокус-инклузија и пристапност на музејските артефакти“, Меморијалниот музеј на холокаустот на Евреите организира тактилна изложба, а активн0сти имаат и Музеите во Битола, Демир Капија и Виница.

Аида Николовска